وتلى المعتصمون البيان التالي:
نحن اليوم هون، قاصدين جمعية المصارف لأنها هي حزب الأغنياء . هني الحزب اللي مع السلطة السياسية عملوا التحالف الطبقي بوجه الفقراء. من ١٩٩٢ لليوم أصدروا قوانين ومراسيم اتشرع امتصاص دم الفقرا وتحويلن لثروات بتتكدس بحسابتن على حساب الأغلبية المسحوقة.
منعلن كحركة شبابية للتغيير ، بدء المعركة مع حيتان المال من جمعية المصارف للتصويب هلى هيدي المطالب. هيدي المطالب اللي على أي حكومة بتتشكل اتنفذا لأنو هيدي صرخة الناس اللي نزلت من اول يوم اتعبر عن حقد طبقي بوج كل سياسات الاستغلال.
١ - تحويل كل القروض الشخصية والسكنية من الدولار الى الليرة اللبنانية لأنو ما بدنا يضلو الفقراء رهينة للدولار.
٢ - كرمال الاوضاع الاقتصادية الخانقة على اصحاب الدخل المحدود وخاصة الفقراء نتيجة الازمات الناتجة عن سياسات الاستغلال للتحالف الحاكم ؛ المفروض إعادة هيكلة القروض الشخصية والسكنية لأصحاب الدخل المحدود والفقراء ضمن سقوف معينة دون اي فوائد اضافية. لانو ما مقبول الفقراء هني اللي يدفعوا ثمن ازماتكم وسياستكم الفاشلة.
٣ - تحرير اقتصادنا عن الدولار ويصير التعامل الداخلي بعملتنا الوطنية. وهيك بيلتغي الطلب على الدولار بالمعاملات الداخلية وهيك بيخف ضغط الطلب على الدولار.
٤ - استرداد الاموال اللي نهبتها المصارف من خلال الهندسات المالية . واسترجاع كل الارباح الخيالية والغير مشروعة نتيجة تحالف السلطة السياسية مع رأس المال اللي خلتن ياخدوا فوائد خيالية.
هيدي ليست سوى البداية
ملحوظة: مضمون هذا الخبر تم كتابته بواسطة لبنان 24 ولا يعبر عن وجهة نظر حضرموت نت | اخبار اليمن وانما تم نقله بمحتواه كما هو من لبنان 24 ونحن غير مسئولين عن محتوى الخبر والعهدة علي المصدر السابق ذكرة.
0 تعليق