قصة حزينة من صنعاء تعكس حال اليمن اليوم

0 تعليق ارسل لصديق نسخة للطباعة
(( الغد))خاص:


نشر الصحفي منصور الجرادي واقعة لقصة مؤلمة حدثت في العاصمة صنعاء مؤخراً. 
وقال الجرادي شارحا واقعة حدثت لاحدهم ان الوضع الاقتصادي صار لايحتمل. 
واضاف شارحا ماحدث: "اليوم بكيت من داخل اعماق اعماق قلبي لموقف حصل لي ..
وقفت سيارتي في احد شوارع صنعاء امام صراف وكنت مبسوط جدا وبدايه تخزينه  تعرفو كيف الواحد بدايه التخزينه منتشي ومبسوط ومشغل الامبيتري  ونازل استلم حواله مبلغ لا بأس فيه ..
استلمت خلصت طلعت سيارتي التفت اشوف بنت شباب محتشمه احتشام عجيب والله العظيم عيونها ما تنشاف كانت تقول لصاحب سياره الله يخليك اشتري مني منديل طبعا والله حتا وهي تمد المنديل يدها ما تنشاف . انا طبعا اتابع  بصمت ومذهول من هذه الحشمه منظر اذلهني جدا .
ناديت البنت قلت لها تعالي هاتي منديل قالت خذ الله يحفظك ويفرج همك لانك اشتريت مني . قتلني الفضول سألتها ليش تشتغلي ؟ 
ردت عليا رد جعلتني ابكي بالصوت امامها ماقدرت اتمالك نفسي .
قالت معي ابن رضيع اشتغلت اليوم عشان اشتري له حليب من الصباح مارضع وزوجي له شهر غايب خرج يدور عمل مارجع يقولو نزل يقاتل الجبهه .. واقسم بالله اول يوم فحياتي ابيع لاني خلاص  ماعندي الا هذا الحل . سألتها ايش نوع  الي تأخذيه لولدك قالت كذا . قلت خليك هنا ثواني .رحت الصيديله اخذت لها حليب يكفي ولدها باذن الله سته اشهر  وحطيت مبلغ كبير في كيس ورجعت وهي واقفه جنب الصراف يعني ماكانت تبيع .. اعطيتها . الي صدمني انها رجعت الفلوس اصريت عليها لاكنها اقسمت ما تأخذها .اخذت الاغراض .والله الذي لا يعبد سواه انها بكت بكاء مرير جدا جدا جدا . قالت ياخي الله لايذلك ولا يحطك يوم من الايام بموقف زي هذا  اخذت الاغراض ووقفت باص وراحت .. مر القات بفمي ضاق صدري ..سيارتي مظلله بالكامل جلست ابكي على الدركسون تقريبا خمس دقايق . اتخيل ولدها يبكي مش لاقي حليب ولا هي قادره تأكله شي غير الحليب لانه طفل رضيع ..كنت رايح اخزن مع اصحابي بطيرمانه فاخر كنسلته سكرت جوالي .. حمدت الله على النعمه الي انا فيها غيري مش لاقي حق الحليب واحنا نخزن بطيرمانه بعشره الف ريال دون القات والشيشه والماء والامور الاخرى ..
البلد بالهاويه بسبب الحصار ولحرب  الناس وجوهها شاحبه الموظفين بلا رواتب الفقر زاد بشكل غير طبيعي . اسر كانت مستوره الان اقسم بالله ينامو جيعانين .


للمزيد من التفاصيل والاخبار تابع حضرموت نت على الشبكات الاجتماعية


إخترنا لك

0 تعليق