اخبار اليمن اليوم الاثنين 16/7/2018 ناشط من #صنـعاء يروي كيف تم استقباله في عدن

عدن تايم/ خاصكتب ناشط من صنعاء شهادة للتاريخ، عن التعامل الذي قوبل به في عدن من قبل الجنوبيين.
ونشر أحمد الاشوال في صفحته على فيس بوك بوست عن زيارته إلى عدن، هذا نصه: عزمت على السفر وخليت الامر طَي الكتمان عشان الامور الامنيه في الجانبين ، اخذت سيارة خاصة تابعة لشركة.
كنت متخوف من نقاط الجنوبيين بسبب كثرة انتقاد الناس لهم ، وكثرة الكلام الإعلامي ضدهم ،
دخلنا اول نقطة في مريس تابعة للشرعية والعلم اليمني مركوز ،وصلنا بعد قعطبه سناح وكانت اول نقاط الجنوبيين واعلام الجنوب والحزام الأمني .
عديت كل نقاط الحزام الأمني في الضالع ولحج وعدن ، واشهد لله ما واحد اعترضني او قال وقف او قال انزل .
بالعكس نقطتين فقط سألوا اهلا من فين الاخ وفين ساير ويعتذروا. بعدها ويقولوا اهلا بك .
تعجبت ان فيه شرطة نسائيه على مداخل عدن ، وارتحت لهذه الإجراءات ،

بدئت ادخل مدخل عدن وماعد قدرت اغلق فمي ، ماقدرت ابلع لعابي والله ، ايش الدمار هذا ؟ ايش حصل في عدن ؟ دمعت لا اراديا والله .
قلت ايش نزل الحوثي يعمل هانا ؟
مال التحالف المجنون يقصف حاره كامل لان فيها قناص ؟

كرهت الوحده ، كرهت اننا شمالي ، استحيت ادخل عدن
والله ان ذي في صنعاء من دمار مش ١٪؜ من ذي موجود بدار سعد فقط .

لفيت عدن ، دخلت كريتر ، وخرجت التواهي وسكنت في خور مكسر "ساحل ابين " اعجبني مدى اليقظه الامنيه لدى رجال الامن، منتشرين على عدن كامل مثل الصقور وعلم الجنوب جوارهم .
الوحدة لا تعنيهم. ، بالاصح ماتت لديهم .

ثلاثه ايام كانت كفيله اشوف عدن غير السابق ، ثلاثه ايام ما خسرت ريال واحد ، لا حق فندق لا حق اكل لا حق شرب لا حق قات وفوق هذا حطو لي سياره اخر موديل أتمشى بها ،كل هذا عن طريق اصحاب من عدن تعرفت عليهم من الفيس بوك .كرام أبناء كرام .
لا عنصريه في الطرقات
لا عنصريه داخل عدن
كن محترم فقط وبا يشيلوك على رؤوسهم،